সোঁৱৰণী - Khuoroni | Assamese Poetry

 সোঁৱৰণী - Khuoroni

সোঁৱৰণী

তুমিহীনতাৰ জ্বৰত আক্ৰান্ত মইটোৱে

পাহৰিব খুজিলেও

কেঁচা কলিজাত সাচ বহোৱা

তোমাৰ শব্দাঘাতৰ চেকুৰাবোৰে

পাহৰিব নিদিয়ে তোমাক

নিদিয়ে পাহৰিব তোমাৰ স্মৃতি বোৰে

যি উভতাই লৈ‌ যায় প্ৰতিপলে

অতীতৰ সেই ভাল লগা কাহিনী বোৰলৈ

মনত পেলায়‌ দিয়ে আকৌ সেই

তুমি মোৰ হৈ ৰোৱা মধূময় ক্ষণবোৰলৈ 

য'ত তোমাৰ প্ৰেম প্ৰাৰ্থী হৈ দুয়ো

সপোন ৰচিছিলো বাৰিষাৰ

বৰষা জাকত তিতি

একেলগে ওমলাৰ

দুয়ো দুয়োৰে হাতত ধৰি

সাহসেৰে আগুৱাৰ...

যিবোৰ আজি মাথো সোঁৱৰণী...

সৰাপাতৰ বুকুত ৰৈ যোৱা জীয়া‌ কাহিনী।

By- ৰাজ প্ৰীতম