আকৌ উভতি আহিবা বুলি - Akou Ubhoti Ahiba Buli | A Sad Assamese Poetry by Pinki Bora

আকৌ উভতি আহিবা বুলি

ভাললগা শব্দটিৰ পৰাই

ভালপোৱাৰ নাম দি 

হৃদয়ৰ কোণত স্থান দিছিলো তোমাক 

তুমি বিহীনতাত কটোৱা 

প্ৰতিতো সময়ো যেন আছিল 

মোৰ বাবে এক যন্ত্ৰণাদায়ক 

এতিয়া মাথোঁ অপেক্ষা তোমালৈ বুলি 

উভতি অহাৰ আশাৰে।।

ৰাখোঁ বুলি কাকো ধৰি বান্ধি নোৱাৰোঁ ৰাখিব 

চিনিবও নোৱাৰোঁ মাথোঁ 

আজিৰ পৃথিৱীখনৰ বহুৰূপী মানুহৰ মন 

সময়ৰ চাকনৈয়াত পৰি 

তুমিও হৈ গলা সলনি 

বাট চাই আছোঁ এতিয়া 

মইও মাথোঁ তোমালৈ বুলি 

আহিবা এদিন উভতি।।

কেনে আছোঁ মই

সুধিবলৈ যেন আজি কাৰো নাই আজৰি 

তুমি হীনতাই খুলি খুলি খাইছে মোকো আজি 

বাট চাই আছোঁ মাথোঁ 

এদিন উভতি আহিবা বুলি।।

By:  Pinki Bora